Храм

Рождества

Богородицы


Главная

История храма

Новости и жизнь прихода
Расписание богослужений

Координаты храма

Воскресная школа
Новомученики

Часовни

Престольные праздники

Толкование Евангелия

Православный календарь

Проповеди

Библиотека
Разное
Ссылки

Наш e-mail:
saurovo-xram@mail.ru

ICQ:
343360179  

Катавасия " Христос раждается...".

Песнь 1.

Ирмос: Христос раждается, славите. Христос с небес, срящите. Христос на земли, возноситеся. Пойте Господеви вся земля, и веселием воспойте людие, яко прославися.

Песнь 3.

Ирмос: Прежде век от Отца рожденному нетленно Сыну, и в последняя от Девы воплощенному безсеменно Христу Богу возопиим: вознесый рог наш, Свят еси Господи.

Песнь 4.

Ирмос: Жезл из корене Иессеова, и цвет от него, Христе, от Девы прозябл еси, из горы хвальный, приосененныя чащи, пришел еси воплощься от Неискусомужныя Невещественный Боже: слава силе Твоей, Господи.

Песнь 5.

Ирмос: Бог сый мира, Отец щедрот, великаго совета Твоего Ангела, мир подавающа, послал еси нам: тем богоразумия к свету наставльшеся, от нощи утренююще, славословим Тя, Человеколюбче.

Песнь 6.

Ирмос: Из утробы Иону младенца изблева морский зверь, якова прият: в Деву же всельшееся Слово, и плоть приемшее, пройде сохраньшее нетленну, егоже бо не пострада истления, Рождшую сохрани неврежденну.

Песнь 7.

Ирмос: Отроцы благочестию совоспитани, злочестиваго веления небрегше, огненнаго прещения не убояшася, но посреди пламене стояще пояху: отцев Боже благословен еси.

Песнь 8.

Ирмос: Чуда преестественнаго, росодательная изобрази пещь образ, не бо яже прият палит юныя, яко ниже огнь Божества Девы, в Нюже вниде утробу. Тем воспевающе воспоем: да благословит тварь вся Господа, и превозносит во вся веки.

Песнь 9.

Ирмос: Таинство странное вижу и преславное: небо, вертеп: престол херувимский, Деву: ясли, вместилище, в нихже возлеже Невместимый Христос Бог, Егоже воспевающе величаем.


 

 
Поиск Искомое.ru
         

Hosted by uCoz